Varkbredie

varkbredie


Bereiding: 10 minute
Kooktyd: 30 minute
Genoeg vir 4 mense

30 ml (2 e) botter
500 g ghoelasj-varkvleis
30 ml (2 e) koekmeelblom
1 ui, fyn gekap
1 elk rooi, geel en groen soetrissie, gekap
15 ml (1 e) tamatiepasta
60 g (1 pakkie) droë vierkase-pastasous
500 ml (2 k) hoenderaftreksel
5 ml (1 t) vyfspeserye-poeier
3 heel pimente
30 ml (2 e) vars koljander, gekap
sout en peper na smaak

Verhit die botter oor medium hitte in ’n kastrol, rol die vleisblokkies in die meel, plaas in die warm botter en verbruin.

Roer die res van die meel saam met die ui in die kastrol en kook tot die ui deursigtig is.

Voeg die soetrissies en pasta by en kook 2 minute.

Meng die droë pastasous en die hoenderaftreksel in ’n bak en giet in die pan.

Meng al die bestanddele, voeg die vyf-speserye en pimente by en laat prut 25 minute.

Roer die koljander by en geur met sout en peper.

Sit voor met brood of noedels.

Volg Huisgenoot op Twitter.